اسلام آباد – 14 سيپٽمبر (اي پي پي) سينيٽ چيئرمين محمد صادق سنجراڻي جمهوريت جي عالمي ڏهاڙي جي موقعي تي پنهنجي پيغام ۾ چيو آهي ته جمهوريت نه رڳو قانون جي حڪمراني ۽ بنيادي انساني حقن جي محور آهي پر پائيدار امن ۽ ترقي جو ڪرڻو به آهي، جمهوري حڪمراني تحت سموريون سياسي پارٽيون ملڪي ترقي ۽ خوشحالي ۽ عوامي خدمت ۾ نمايان ڪردار ادا ڪنديون آهن. صرف جمهوري نظام ئي راءِ جي آزادي، احتسابي عمل ۽ انساني حقن جي فراهمي کي يقيني بڻائيندو آهي، سينيٽ سيڪريٽريٽ جي ميڊيا ڊائريڪٽوريٽ طرفان جاري بيان موجب سينيٽ چيئرمين چيو ته 15 سيپٽمبر کي جهموريت جي عالمي ڏهاڙي طور ملهايو ويندو آهي ۽ ان ڏينهن کي ملهائڻ جو مقصد اهو ئي آهي ته اسان جمهوريت جي تحفظ ۽ فروغ جي خاطر پنهنجي عزم کي ورجايون، جمهوريت جو ڏهاڙو ملهائڻ سان اسان کي امن ۽ استحڪام، گڏيل خوشحالي، انساني حقن، برابري، رواداري ۽ گڊ گورننس جي اهم حيثيت حاصل ڪرڻ جي گڏيل نظرين جي توثيق ڪرڻ جو موقعو ملندو آهي.
