اسلام آباد – 09 سيپٽمبر (اي پي پي) توانائي واري وفاقي وزير عمر ايوب خان چيو آهي ته روش پاور ڪمپني مقامي ثالث سان جڏهن ته ٻين 11 ڪمپنين عالمي ثالثي جي لاءِ رجوع ڪيو آهي، ريڪوڊڪ ۽ ڪار ڪي جي حوالي سان پاڪستان تي اربين ڊالر جو وڏو ڏنڊ عالمي ثالثي عدالتن پاران هنيو ويو آهي، انهن کان بچڻ جي لاءِ حڪومت انهن فيصلن کي چئلينج ڪندي، شفافيت پاڪستان تحريڪ انصاف جي موجوده حڪومت جو اهم جز آهي، ميرٽ کان هٽي ڪو به فيصلو نه ڪري رهيا آهيون، بجلي جي پهچ نظام جي 100 سيڪڙو ڪارڪردگي اسان جي ترجيح آهي، گذريل حڪومتن آءِ پي پيز تي خرچن جو بار وڌو. توانائي واري وفاقي وزير عمر ايوب خان پريس انفارميشن ڊپارٽمينٽ ۾ نيوز ڪانفرنس کي خطاب ڪندي چيو ته روش ڪمپني ثالثي جي لاءِ مقامي ثالث سان رابطو ڪيو آهي جنهن حوالي سان ڪجهه سوال اٿي رهيا هئا.
