اسلام آباد – 18 سيپٽمبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته وزيراعظم عمران خان جي قيادت ۾ پاڪستان تحريڪ انصاف جي حڪومت اظهار راءِ جي آزادي جي بنيادي، آئيني ۽ جمهوري حق تي ڪامل يقين رکي ٿي، ميڊيا رياست جو چوٿون ٿنڀ آهي. پنهنجي ٽوئيٽ ۾ ڊاڪٽر فردوس عاشق اعواڻ چيو ته پيمرا جي احتسابي عمل کي تنقيد جو نشانو بڻايو ويندو هو ته ان کي حڪومت ڪنٽرول ڪندي آهي، هاڻي خصوصي ميڊيا ٽربيونلز بڻايا پيا وڃن ته جيئن ڪيسن جو جلد فيصلو ممڪن ٿي سگهي.