اسلام آباد – 09 سيپٽمبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو ته حضرت امام حسين رضه جو نالو کڻندڙن تي ڀارتي فوج جو حملو اڄ ڪربلا جي جنگ جو هڪ تسلسل آهي، اهو حملو ڀارتي رياستي دهشتگردي جو بدترين مثال آهي، يزيد جي پوئلڳ شيطاني مودي مظلوم ڪشميرين جا بنيادي آئيني، جمهوري ۽ انساني حق غضب ڪري انهن جي مذهبي آزادي پڻ ختم ڪري ڇڏي. سماجي رابطن جي ويب سائيٽ ٽوئيٽر تي خصوصي معاون ڊاڪٽر فردوس عاشق اعواڻ چيو ته معصوم ڪشميري عزادارن تي ظلم ۽ گرفتارين جي سخت مذمت ڪريون ٿا.
