اسلام آباد – 14 آگسٽ (اي پي پي) صدر ڊاڪٽر عارف علوي چيو آهي ته ڀارتي حڪومت جو ڪشمير جي خصوصي حيثيت ختم ڪرڻ جو هڪطرفو فيصلو هڪ ڪڌي سازش ۽ گڏيل قومن جي قراردادن ۽ شمله معاهدي جي سنگين خلاف ورزي آهي. اها ڳالهه هن 72 هين آزادي جي ڏهاڙي جي موقعي تي پنهنجي پيغام ۾ چئي. صدر چيو ته هو 72 هين آزادي جي ڏهاڙي تي پوري قوم کي مبارڪباد پيش ڪري ٿو، هن چيو ته هن سال اهو ڏينهن ڪشمير سان يڪجهتي جو ڏينهن به آهي، ڀارتي حڪومت جو ڪشمير جي خصوصي حيثيت ختم ڪرڻ جو هڪ طرفو فيصلو هڪ ڪڌي سازش ۽ گڏيل قومن جي قراردادن ۽ شمله معاهدي جي سنگين خلاف ورزي آهي، ڀارت اهو، ڀارت اهو ڄاڻي وٺي ته آزادي جي تحريڪن کي انهن جي حربن ۽ رياستي ڏاڍ ۽ ستم سان دٻائي نٿو سگهجي، هن چيو ته اڄ دنيا ڏسي رهي آهي ته پوري پاڪستاني قوم پنهنجي ڪشميري ڀينرن ۽ ڀائرن سان گڏ بيٺل آهي ۽ ان وقت تائين انهن جي سياسي، سفارتي ۽ اخلاقي مدد ڪندي رهندي جيستائين انهن کي خودمختياري جو حق نٿو ملي وڃي.