اسلام آباد – 21 آگسٽ (اي پي پي) وزيراعظم عمران خان ملڪ ۾ پوليو جي ڪيسن ۾ تازي اضافي تي گهري ڳڻتي جو اظهار ڪندي وفاقي ۽ صوبائي حڪومتن جي لاڳاپيل عملدارن کي هدايت ڪئي آهي ته ان جي روڪٿام لاءِ مڪمل آگاهي ۽ ڦڙا پيارڻ جي موثر مهم هلائي وڃي، وزيراعظم احساس پوليو پارنٽرشپ تي تيزي سان ڪم ڪرڻ جي ضرورت تي به زور ڏنو ته جيئن ٻنهي اهم پروگرامن تي هم آهنگي سان عملدرآمد ڪري سگهجي، هو خيبرپختونخواهه ۽ ملڪ جي ڪجهه ٻين حصن ۾ پوليو بابت واقعن جو جائزو وٺڻ لاءِ اعليٰ سطحي اجلاس جي صدارت ڪري رهيو هو.
