اسلام آباد – 24 آگسٽ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته حڪومت پاران اليڪشن ڪميشن ۾ سنڌ ۽ بلوچستان مان ٻن نون ميمبرن جي مقرري آئين ۾ ڏنل طريقيڪار تحت ڪئي وئي آهي، آئين تحت چيف اليڪشن ڪمشنر وٽ انهن ميمبرن جو حلف کڻڻ کان انڪار جو اختيار نه آهي. پنهنجي ٽوئيٽ ۾ ڊاڪٽر فردوس عاشق اعواڻ چيو ته آئين تحت چيف اليڪشن ڪمشنر وٽ نئين ميمبرن کان حلف وٺڻ کان انڪار جو اختيار نه آهي، ٻئي ميمبر ديانتدار ۽ قانون جا ماهر سمجهيا وڃن ٿا.