اسلام آباد – 07 جولاءِ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته حڪومت لاڳاپيل ادارن کي هدايت ڪئي آهي ته مسلم ليگ (ن) جي نائب صدر مريم صفدر پاران گذريل ڏينهن پيش ڪيل ڳجهي آڊيو ۽ وڊيو جي فرانزڪ آڊٽ ڪن. هڪ نجي ٽي وي چينل سان ڳالهائيندي هن چيو ته احتساب عدالت جي جج ارشد ملڪ جي حوالي سان پريس ڪانفرنس ۾ پيش ڪيل آڊيو ۽ وڊيو جي فرانزڪ آڊٽ ڪرائڻ جو فيصلو ڇنڇر ڏينهن ڪيو ويو.