اسلام آباد – 13 جولاءِ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته سنڌ جي عوام انڌير نگري ۽ ڪرپشن جي چوپٽ راڄ جي خلاف اٿي بيٺي آهي، گهوٽڪي جي ضمني چونڊن ۾ شڪست جو واضح ڊپ رات 12 وڳي بلاول جي انگريزي ۾ چيخن جي صورت ۾ نظر آيو، بلاول صاحب! پنهنجي ٻڏندڙ سياست جو الزام ادارن تي نه پنهنجي ابا جي ۽ ڦڦي جي ڪرپشن مٿان وجهو. سماجي رابطن جي ويب سائيٽ ٽوئيٽر تي پنهنجي پيغام ۾ هن پيپلزپارٽي جي چيئرمين کي مخاطب ڪندي چيو ته بلاول صاحب! توهان کي گهوٽڪي ۾ ٿيندڙ ضمني چونڊن ۾ شڪست واضح نظر آئي ته فائول پلي ڪرڻ شروع ڪري ڇڏيو.
