اسلام آباد – 12 جولاءِ (اي پي پي) وزيراعظم عمران خان جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته اڄ جج ارشد ملڪ صرف حلفي بيان نه پر آل شريف جي خلاف اها چارج شيٽ پيش ڪئي آهي جيڪا اسان کي سسيلين مافيا ۽ گاڊ فادر جو اصل مطلب سمجهائيندي آهي، اهو حلفي بيان ثبوت آهي ته هي نه ته معصوم آهن ۽ نه ئي مظلوم آهن، پنهنجي ٽوئيٽ ۾ خصوصي معاون ڊاڪٽر فردوس عاشق اعواڻ چيو ته ميان شريف صاحب جي مالي حيثيت تي به خاندان ۾ اتفاق نه آهي، شهباز جو پيءُ غريب ۽ نواز جو پيءُ امير، انهن جي تاريخ فراڊ، ڪرپشن، رشوت ۽ بليڪ ميلنگ سان لکيل آهي.
