گڏيل قومون – 19 جون (اي پي پي) پاڪستان نفرت پکيڙيندڙ تقريرن جي خاتمي لاءِ گڏيل قومن جي نئي حڪمت عملي ۽ پلان آف ايڪشن جي حمايت ڪندي چيو آهي ته ڏکڻ ايشيا سميت دنيا جي مختلف علائقن ۾ زبان جو استعمال ادنيٰ سياسي ۽ چونڊ مفادن لاءِ استعمال ڪيو پيو وڃي جنهن جي نتيجي ۾ تعصب، عدم برداشت ۽ مسلمانن ۽ پرڏيهين سان نفرت جي رجحانن کي هوا ملي رهي آهي. اهڙن خيالن جو اظهار گڏيل قومن ۾ پاڪستان جي سفير مليحه لوڌي سفيرن، سينيئر سفارتڪارن ۽ گڏيل قومن جي اعليٰ سطحي اختيارين سان ڳالهائيندي ڪيو.