اسلام آباد – 21 جون (اي پي پي) وزيراعظم عمران خان ڪرپشن ۽ ٽيڪس چوري جي خاتمي کي حڪومت جي اولين ترجيح قرار ڏيندي عوام تي زور ڏو آهي ته ٽيڪس ايمنسٽي اسڪيم مان مقرر مدي دوران ڀرپور فائدو کڻي، ڪرپشن ڪندڙن کي اسان نه ڇڏينداسين پر ٽيڪس چوري کي ختم ڪرڻ جي لاءِ عوام جي حمايت جي ضرورت آهي، قوم حڪومت سان گڏجي ملڪ کي مشڪل مان ڪڍي، اسان کي ايندڙ سال ساڍا 5 هزار ارب رپيا گڏ ڪرڻا آهن، قوم فيصلو ڪري ته هر سال 8 هزار ارب رپيا گڏ ڪري سگهي ٿي. اهڙن خيالن جو اظهار هن قوم جي نالي پنهنجي نشرياتي پيغام ۾ ڪيو.