اسلام آباد – 03 مئي (اي پي پي) وزيراعظم عمران خان هدايت ڪئي آهي ته رمضان المبارڪ جي مهيني ۾ کاڌي پيتي جي شين جي فراهمي کي نه رڳو يقيني بڻايو وڃي پر ان ڳالهه کي به يقيني بڻايو وڃي ته ضرورت جون سموريون شيون مقرر اگهه تي عوام کي دستياب هجن، انتظاميه جي آفيسر فيلڊ ۾ پنهنجي موجودگي کي يقيني بڻائين ۽ منافع خوري ۽ ذخيرو اندوزي جي خلاف فوري ايڪشن کنيو وڃي. وزيراعظم اهي هدايتون وزيراعظم آفيس ۾ رمضان پيڪيج 2019ع جي حوالي سان منعقد اعليٰ سطحي اجلاس ۾ ڏنيون.
