پشاور – 18 مئي (اي پي پي) وزيراعظم عمران خان چيو آهي ته نئين نظام ۾ قبائلي روايتن ۽ مزاج جو خيال رکيو ويندو ۽ جرڳي سسٽم کي مرڪزي حيثيت حاصل هوندي، دهشتگردي خلاف جنگ ۾ قبائلي عوام مشڪلاتن کي منهن ڏنو، يقين ڏياريان ٿو ته هاڻي فاٽا جي عوام کي مشڪلاتن کي منهن ڏيڻو نه پوندو، قبائلي عوام جي مسئلن جي حل لاءِ ڪميٽي قائم ڪئي وئي آهي جيڪا ملسل ڪم ڪندي. پشاور ۾ ضم ٿيل قبائلي علائقن جي اڳواڻن کي خطاب ڪندي وزيراعظم چيو ته باقي پاڪستان جي ماضي ۾ فاٽا جي لاءِ آواز اٿاريندڙ ڪير نه هو.
