اسلام آباد – 15 مئي (اي پي پي) وفاقي ڪابينا جي اقتصادي رابطا ڪميٽي ڪراچي ۾ بجلي جي کوٽ تي ضابطو آڻڻ جي لاءِ قومي گرڊ مان ڪي اليڪٽرڪ کي 150 ميگاواٽ اضافي بجلي جي فراهمي، اڳوڻي فاٽا جي 7 قبائلي ضلعن کي رمضان المبارڪ ۾ اضافي بجلي جي فراهمي لاءِ ٽيسڪو کي 1.8 ارب رپين جي زرتلافي فراهم ڪرڻ ۽ مالي سال 19 – 2018ع جي لاءِ 158.5 ارب رپيا ماليت جي 5.15 ملين ٽن ڪڻڪ جي خريداري جي تجويز جي منظوري ڏئي ڇڏي آهي. ڪابينا جي اقتصادي رابطا ڪميٽي جو اجلاس وزيراعظم جي ناڻي، اوڳاڙين ۽ اقتصادي معاملن بابت صلاحڪار ڊاڪٽر عبدالحفيظ شيخ جي صدارت ۾ ٿيو.
