APP28-30 ISLAMABAD: May 30 - President Dr. Arif Alvi in a meeting with Special Assistant to the Prime Minister on Information and Broadcasting Dr. Firdous Ashiq Awan and officers of Ministry of Information. APP

اسلام آباد – 30 مئي (اي پي پي) صدر ڊاڪٽر عارف علوي چيو آهي ته سماجي تبديلي جي اهڃاڻ ۽ عوام الناس ۾ آسان ۽ وسيع تر رسائي رکڻ جي باعث سوشل ميڊيا جي اهميت مڃيل آهي. هن اها ڳالهه اطلاعات ۽ نشريات واري وزارت سان سوشل ميڊيا جي حوالي سان هڪ اجلاس جي صدارت ڪندي چئي. وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ به ان موقعي تي موجود هئي. قوم جي تعمير ۾ سوشل ميڊيا جي اهميت کي اجاگر ڪندي صدر چيو ته سائبر اسپيس ۾ رياست مخالف پروپيگنڊا جي ٽوڙ ۽ ملڪ جي حقيقي تشخص کي اجاگر ڪرڻ لاءِ اطلاعات واري وزارت کي پنهنجي مينڊيٽ ۾ سگهه آڻڻي پوندي.