اسلام آباد – 16 مئي (اي پي پي) قومي اسيمبلي جي اسپيڪر اسد قيصر چيو آهي ته خصوصي ماڻهن، اسٽريٽ چلڊرين، يتيمن ۽ بيواهن جي لاءِ سمارٽ ٽائونز بڻايا پيا وڃن، اهو ڪم صرف حڪومت جو ناهي، معاشري جي سمورن طبقن کي اڳتي اچڻو پوندو، سرندي وارن ماڻهن تي فرض آهي ته اهڙين سرگرمين ۾ پاڻ وڌي چڙهي حصو وٺن، پنهنجي تڪ ۾ به اسپيشل ٻارن جي لاءِ هڪ هزار ڪينال تي مشتمل اسڪول ۽ اسپتال بڻائي رهيا آهيون. اهڙن خيالن جو اظهار هن پاڪستان سوئيٽ هومز ۾ افطار ڊنر جي موقعي تي حاضرين کي خطاب ڪندي ڪيو.
