غلنئي – 15 مارچ (اي پي پي) وزيراعظم عمران خان کي قبائلي علائقن (اڳوڻي فاٽا) جي خيبرپختونخوا صوبي ۾ انضمام جي حوالي سان انتظامي سڌارن ۽ سيڪيورٽي جي صورتحال تي بريفنگ ڏني وئي، ان سلسلي ۾ وزيراعظم جي صدارت ۾ مهمند جي هيڊڪوارٽر غلنئي ۾ اجلاس منعقد ٿيو، خيبرپختونخوا جو گورنر شاهه فرمان، وڏو وزير محمود خان، مواصلات وارو وزير مراد سعيد، ڪشمير معاملن وارو وزير علي امين گنڊاپور، مذهبي معاملن وارو وزير پير نور الحق قادري، وزيراعظم جو صلاحڪار محمد شهزاد ارباب، مملڪتي وزير شهريار آفريدي، ڪور ڪمانڊر پشاور، خيبرپختونخوا جو ايڊيشنل چيف سيڪريٽري ۽ ايف سي جو آءِ جي بريفنگ ۾ موجود هئا.
