اسلام آباد – 16 مارچ (اي پي پي) قومي اسيمبلي جي اسپيڪر اسد قيصر ملائيشيا جي جيلن ۾ قيد پاڪستانين کي قانوني امداد فراهم ڪرڻ جي لاءِ پنهنجي ملائيشين هم منصب محمد عارف کي خط لکي ڇڏيو آهي، اسپيڪر خط ۾ لکيو آهي ته پاڪستانين جو هڪ وڏو انگ ملائيشيا ۾ ڪاروبار ۽ نوڪري جي سلسلي ۾ رهيل آهي، بدقسمتي سان انهن مان ڪجهه معمولي نوعيت جي ڪيسن ۾ ملائيشين جيلن ۾ قيد آهن جن جي اڪثريت انهن ڪيسن جي قانوني چاره جوئي ڪرڻ جي به قابل نه آهي. هن ملائيشين حڪومت کي چيو آهي ته اتان جي جيلن ۾ قيد پاڪستانين کي قانوني امداد فراهم ڪئي وڃي.
