اسلام آباد – 15 فيبروري (اي پي پي) سينيٽ چيئرمين محمد صادق سنجراڻي چيو آهي ته پاڪستان ۾ امن امان جي صورتحال يڪسر تبديل ٿي وئي آهي ۽ پاڪستان ۾ سيڙپڪاري لاءِ سازگار ماحول موجود آهي جنهن سان غير ملڪي سيڙپڪار فائدو کڻي سگهن ٿا، هن خاص طور تي بلوچستان ۽ گوادر جو ذڪر ڪندي چيو ته بلوچستان ۾ سيڙپڪاري جي وسيع گنجائش موجود آهي ۽ گوادر خطي جي ترقي جو مستقبل آهي. سينيٽ چيئرمين اهڙن خيالن جو اظهار برطانوي هاءِ ڪمشنر ٿامس ڊريو سان پارليامينٽ هائوس ۾ ملاقات جي دوران ڪيو.
