دبئي – 11 فيبروري (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته ٽيڪنالاجي بي پناهه فائدي سان گڏوگڏ نون چئلينجن کي به جنم ڏئي رهي آهي، دنيا کي انهن چئلينجز مان سرخرو ٿيڻ جي لاءِ گڏيل ڪوششون ڪرڻيون پونديون ۽ انهن چئلينجز جي حل جي لاءِ مختلف روڪنگ گروپس جوڙڻا پوندا. هو دبئي ۾ ورلڊ گورنمينٽ سمٽ جي ٻي ڏينهن مصنوعي ذهانت جي موضوع تي وزارتي اجلاس ۾ شرڪت کانپوءِ ميڊيا سان ڳالهائي رهيو هو.
