APP62-07 ISLAMABAD: January 07 – Federal Minister for Information and Broadcasting Chaudhry Fawad Hussain addressing press conference. APP photo by Irfan Mahmood

اسلام آباد – 07 جنوري (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته وزيراعظم عمران خان جو سياسي مافيا جي قبضن جي خلاف آپريشن ڪلين اپ ڪاميابي سان اڳتي وڌي رهيو آهي، عهدن جي ڪري نه پر ڪردار جي ڪري اي سي ايل ۾ نالا وڌا ۽ ڪڍيا وڃن ٿا، سپريم ڪورٽ جي حڪم تي بلاول ڀٽو ۽ سنڌ جي وڏي وزير مراد علي شاهه جو نالو اي سي ايل مان ڪڍيو ويندو، سنڌ جي وڏي وزير جو نالو ڪرپشن ۾ اچڻ به هڪ وڏي شرمندگي آهي، تحريڪ انصاف جو مراد علي شاهه جي استعيفيٰ جو مطالبو برقرار آهي. هو وزيراعظم جي احتساب بابت خصوصي معاون شهزاد اڪبر سان گڏ پريس انفارميشن ڊپارٽمينٽ ۾ پريس ڪانفرنس کي خطاب ڪري رهيو هو.