ڪراچي – 15 جنوري (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته حڪومت جو صحافين جي تحفظ لاءِ قومي اسيمبلي ۾ بل پيش ڪرڻ جو ارادو آهي، قانونسازي خيبرپختونخواهه ۾ لاڳو ٿيندڙ قانونسازي وانگر هوندي. اهڙن خيالن جو اظهار هن سينٽر فار ايڪسيلنس ان جرنلزم آءِ بي اي ۽ سينٽر فار ڪميونيڪشن پروگرامز پاڪستان جي صحافين جي لاءِ ٽئين ”لب آزاد“ جرنلزم ايوارڊ 2018ع جي تقريب دوران ڪيو. ان ايوارڊ جي لاءِ سڄي ملڪ جي صحافين پهرين جولاءِ 2017ع کان 15 جنوري 2019ع تائين شايع ٿيندڙ پنهنجون اسٽوريز جمع ڪرايون هيون.
