لاهور -01 ڊسمبر (اي پي پي) ريلوي واري وفاقي وزير شيخ رشيد احمد چيو آهي ته کلاڙي کي اناڙي چوندڙ ڪجهه ڏينهن انتظار ڪن، وزيراعظم عمران خان ماضي ۾ بي دردي سان لٽيل پاڪستان کي ٻيهر تعمير ڪرڻ جي ڪوششن ۾ مصروف آهي، جنهن وزيراعظم کي 6 ارب روزانو وياج ڏيڻو پوي ان کي ننڊ ڪيئن ٿي اچي سگهي، بدقستي سان پاڪستان جي وڏن سياستدانن دولت جي لالچ ۾ اولادن جي مستقبل جي سياست کي به تباهه ڪري ڇڏيو. ريلوي هيڊ ڪوارٽرز ۾ پريس ڪانفرنس کي خطاب ڪري رهيو هو.