اسلام آباد – 06 ڊسمبر (اي پي پي) سينيٽ جي ڊپٽي چيئرمين سليم ايڇ مانڊوي والا اطلاعات واري وزير فواد چوڌري جي ايوان ۾ داخلا تي پابندي جي مخالفت ڪندي چيو آهي ته ڪنهن پارليامينٽرين تي اهڙي طرح جي پابندي نه هئڻ گهرجي، فواد چوڌري سان ڳالهه ٻولهه ڪري مسئلو حل ڪنداسين، سينيٽ جي چيئرمين جي حوالي سان ڪو به فيصلو مسلم ليگ (ن) ۽ پيپلزپارٽي جي قيادت کي ڪرڻو آهي، پارليامينٽ هائوس ۾ پريس ڪانفرنس کي خطاب ڪندي هن چيو ته رولز يورو ايشين اسپيڪرز فورم جي حوالي سان قدم کنيا آهن، ان ۾ 40 جي لڳ ڀڳ ملڪ آهن ماسڪو ۾ 11 ڊسمبر تي ڪانفرنس ۾ ٿيندي، جنهن ۾ مون کانسواءِ 4 سينيٽر ويندا، اسان فيصلو ڪيو آهي ته ان دوري جا خرچ اسان پاڻ برداشت ڪريون.
