اسلام آباد – 11 ڊسمبر (اي پي پي) تعليم واري وفاقي وزير شفقت محمود چيو آهي ته ڊي چوڪ تي احتجاج ڪندڙ استادن کي پگهارن جي ادائيگي جلد ڪئي ويندي، مسلم ليگ (ن) جي حڪومت انهن جا مسئلا مستقل بنيادن تي حل ڪرڻ جي ڪڏهن ڪوشش ئي نه ڪئي، مختلف ادارن سان ڳالهه ٻولهه ڪري ان مسئلي جو مستقل حل ڪڍيو ويندو. قومي اسيمبلي ۾ مهناز اڪبر عزيز جي اعتراض واري نقطي جي جواب ۾ تعليم واري وفاقي وزير شفقت محمود چيو ته جون تائين مسلم ليگ (ن) جي حڪومت رهي آهي، استادن جو مسئلو انهن ڇو حل نه ڪيو.
