اسلام آباد – 06 نومبر (اي پي پي) چين پاڪستان کي اقتصادي رليف پئڪيج فراهم ڪرڻ تي اتفاق ڪيو آهي، سعودي امدادي پئڪيج کانپوءِ ادائيگين جي توازن جو هاڻي ڪو به بحران نه آهي اهو ختم ٿي چڪو آهي، وزيراعظم عمران خان جي چين جي تازي دوري سان پاڪ چين اسٽريٽجڪ لاڳاپن کي اقتصادي پارٽنرشپ ۾ تبديل ڪرڻ جو موقعو مليو، ٻنهي ملڪن جي وچ ۾ قيدين جي مٽاسٽا جو به فيصلو ڪيو ويو آهي، چين جي تعاون سان گهٽ وقت ۾ پاڪستاني روانگي واپار کي ٻيڻو ڪيو ويندو، افغانستان پاڻي جي مسئلي تي آمريڪا مثبت ڪردارادا ڪرڻ جي آڇ ڪئي آهي. اها ڳالهه پاڪستان جي پرڏيهي وزير شاهه محمود قريشي ۽ ناڻي واري وفاقي وزير اسد عمر وزيراعظم سان گڏ چين جي دوري کانپوءِ واپسي تي پرڏيهي آفيس ۾ پريس ڪانفرنس کي خطاب ڪندي چئي.
