اسلام آباد – 20 نومبر (اي پي پي) وزيراعظم عمران خان چيو آهي ته پنهنجي ڪردار جي بلندي سان اسان پنهنجي ملڪ کي بلند ڪنداسين، اسان جي آئيڊيل نبي ڪريم صه جي شخصيت آهي ۽ اسان سندن ٻڌايل رستي تي هلندي ترقي ۽ ڪاميابي جو سفر طئي ڪنداسين، نبي ڪريم صه جي حيات طيبه جو مطالعو هر مسلمان جي لاءِ تمام ضروري آهي. عالمي سيرت ڪانفرنس کي خاص مهمان جي حيثيت سان خطاب ڪندي وزيراعظم عمران خان ڪامياب ڪانفرنس منعقد ڪرڻ تي مذهبي معاملن واري وفاقي وزير نورالحق قادري، مذهبي معاملن واري سيڪريٽري ميان مشتاق ۽ منتظمين جا ٿورا مڃيا ۽ انهن کي مبارڪباد ڏني.
