اسلام آباد – 06 نومبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته شدت پسندي رڳو پاڪستان نه پر ٻين ملڪن جو به مسئلو آهي، اها اسلام ۽ ڪفر جي ويڙهه نه آهي ۽ نه ئي مذهب جو معاملو آهي، ڌرڻن ۽ احتجاج دوران ملڪيتن کي نقصان پهچائيندڙ 1100 جي لڳ ڀڳ ماڻهن کي گرفتار ڪيو ويو آهي، (ن) ليگ جي ليڊرشپ خلا ۾ ويندي، تيل بچيو ته واپس اچي ويندا. نجي ٽي وي چينل جي پروگرام ۾ ڳالهائيندي اطلاعات واري وزير چيو ته شدت پسندي جو مسئلو رڳو پاڪستان نه ڀارت ۽ ٻين ملڪن جو به آهي، اهي ماڻهو ووٽن جي ڪري روز ڪو نه ڪو نه مسئلو بڻائين ٿا.