اسلام آباد – 17 نومبر (اي پي پي) ناڻي واري وفاقي وزير اسد عمر جي صدارت ۾ نيشنل فنانشل انڪلوزن اسٽريٽجي (اين ايف آءِ ايس) ۽ مالي سيڪٽر بابت اقتصادي ايڊوائيزري ڪائونسل جي ذيلي گروپس جو اجلاس ناڻي واري وزارت ۾ ٿيو. اجلاس ۾ سمورين ڌرين، ناڻي واري وزارت، اسٽيٽ بئنڪ آف پاڪستان، ايف بي آر ۽ سيڪيورٽي ايڪسچينج ڪميشن آف پاڪستان (ايس اي سي پي) مان ذيلي گروپ جي ميمبرن شرڪت ڪئي. اسٽيٽ بئنڪ جي گورنر طارق باجوه پاڪستان ۾ مالي خدمتن تائين معياري پهچ ۾ بهتري جي لاءِ قومي مالي شموليتي اسٽريٽجي پيش ڪئي.
