ڪراچي – 13 آڪٽوبر (اي پي پي) صدر ڊاڪٽر عارف علوي چيو آهي ته گرين لائين شهرين کي سفري سهولتن جي فراهمي جو اهم منصوبو آهي، منصوبي جو جلد مڪمل ٿيڻ ضروري آهي ته جيئن عوام ان مان فائدو کڻي سگهي. ڪالهه ڇنڇر ڏينهن گورنر هائوس پاران جاري ڪيل پڌرائي موجب اها ڳالهه هن گورنر هائوس ۾ ڪراچي انفراسٽرڪچر ڊولپمينٽ ڪمپني لميٽيڊ (ڪي آءِ ڊي سي ايل) پاران وفاق جي انتظام هيٺ منصوبن جي حوالي سان بريفنگ دوران ڳالهائيندي چئي.
