اسلام آباد – 20 آڪٽوبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته حڪومت ملڪ ۽ قوم جو پئسو ڦريندڙ ڪرپٽ عنصرن کي ڪنهن به صورت ۾ نه ڇڏيندي، احتساب جو عمل بنا ڪنهن فرق جاري رهندو، ڪنهن به ملڪ سان ڳالهين ۾ ملڪي مفاد کي مٿانهون رکيو ويندو، شريف خاندان جي مقبوليت تيزي سان گهٽ ٿي رهي آهي، مون کي نه ٿو لڳي ته شريف خاندان سياست ۾ وڌيڪ هلي سگهندو، سي پيڪ منصوبو انتهائي اهميت رکندڙ آهي، اسان چاهيون ٿا ته ٻيا ملڪ به ان منصوبي جي انفراسٽرڪچر مان فائدو کڻن. اهڙن خيالن جو اظهار هن نجي ٽي وي چينل جي پروگرام ۾ ڳالهائيندي ڪيو.
