اسلام آباد – 13 آڪٽوبر (اي پي پي) ناڻي واري وفاقي وزير اسد عمر چيو آهي ته آءِ ايم ايف جو وفد بيل آئوٽ پروگرام جي شرطن کي حتمي شڪل ڏيڻ جي لاءِ 7 نومبر تي پاڪستان جو دورو ڪندو، آءِ ايم ايف قرض ڏيڻ جي لاءِ ناقابل قبول شرط رکيا ته معاهدو نه ڪنداسين، آءِ ايم ايف وٽ وڃڻ کان اڳ دوست ملڪن وٽ وياسين، سعودي عرب، چين ۽ گڏيل عرب اماراتن مدد جي لاءِ ڪي ناقابل قبول شرط ناهن رکيا، مون حڪومت ۾ اچڻ کان اڳ يا پوءِ ڪڏهن به آءِ ايم ايف وٽ نه وڃڻ جي ڳالهه ناهي ڪئي، چيني قرضن تي آءِ ايم ايف وڃڻ جي حوالي سان آمريڪي پرڏيهي وزير جو بيان 100 سيڪڙو غلط بياني تي ٻڌل آهي. ناڻي واري وفاقي وزير اسد عمر هتي ناڻي واري وزارت ۾ صحافين سان ڳالهائيندي چيو ته پاڪستان تحريڪ انصاف جي حڪومت ڪا پهرين حڪومت نه آهي جيڪا آءِ ايم ايف وٽ وڃي رهي آهي.