اسلام آباد – 24 سيپٽمبر (اي پي پي) ناڻي واري وفاقي وزير اسد عمر چيو آهي ته ملڪ جو پئسو ڦري ٻاهرئين ملڪ منتقل ڪندڙن جي خلاف حڪومت ٽاسڪ فورس قائم ڪري ڇڏي آهي، ٽيڪس چورن جي لاءِ اڃا به وقت آهي صحيح ٿي وڃن نه ته انهن جي خلاف سخت ڪارروائي ڪئي ويندي. قومي اسيمبلي ۾ ضمني مالياتي بل 2018ع تي بحث سهيڙيندي ناڻي واري وفاقي وزير اسد عمر چيو ته مخالف ڌر اڳواڻ جو ٿورائتو آهيان جو هن بجيٽ جي حوالي سان خيالن جو اظهار ڪيو پر ائين لڳي ٿو ته کيس بجيٽ جي حوالي سان صحيح ناهي ٻڌايو ويو. هن چيو ته سي پيڪ ۾ شامل سمورن توانائي منصوبن تي 75 سيڪڙو قرض ۽ 25 سيڪڙو ايڪويٽي آهي.
