APP50-04 ISLAMABAD: September 04 - Federal Minister for Information and Broadcasting Chaudhry Fawad Hussain talking to media. APP

اسلام آباد – 04 سيپٽمبر (اي پي پي) اطلاعات ۽ نشريات واري وفاقي وزير فواد چوڌري چيو آهي ته حڪومت پنهنجي شروعاتي 9 ڏينهن ۾ تاريخي ڪم ڪيا آهن، اڪنامڪ ايڊوائيزري ڪائونسل جوڙي وئي آهي، رياستي ميڊيا تي سينسرشپ ختم ڪري ڇڏي، جڏهن ته پلانٽ فار پاڪستان مهم تحت سڄي ملڪ ۾ هڪ ڏينهن ۾ 15 لک ٻوٽا هنيا ويا. پارليامينٽ هائوس ٻاهران صحافين ۽ اي پي پي سان خصوصي ڳالهه ٻولهه ۾ وفاقي وزير چيو ته اقتدار جي منتقلي جو اهم مرحلو مڪمل ٿيڻ تي پاڪستان جي عوام کي مبارڪباد پيش ڪريان ٿو، وفاقي وزير چيو ته عوام کي تمام جلد حڪومت پاران معيشت جي استحڪام جي حوالي سان پڻ عملي قدم نظر ايندا.