اسلام آباد – 06 سيپٽمبر (اي پي پي) وزيراعظم عمران خان چيو آهي ته پاڪستان تحريڪ انصاف حڪومت جي معاشي پاليسين جو محور هيٺئين ۽ وچين طبقي جي ترقي آهي، ملڪ ان وقت ترقي ڪندو جڏهن اسان جي پاليسين جو محور هيٺئين طبقي کي مٿي آڻڻ ۽ انهن کي ترقي جي لاءِ هڪ جهڙا موقعا ڏيڻ هوندو، ملڪ ۽ قوم جي ترقي جو خواب ان وقت تائين تعبير نه ٿو ٿي سگهي جيستائين معاشري جي هر شخص کي نظام ۽ ترقي جي عمل ۾ حصيدار نه بڻايو ويندو. اهڙن خيالن جو اظهار هن وزيراعظم آفيس ۾ اڪنامڪ ايڊوائيزري ڪائونسل جي صدارت ڪندي ڪيو.
