لاهور – 15 سيپٽمبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته حڪومت تمام جلد نئين ڊيجيٽل پاليسي آڻي رهي آهي، ميڊيا کي جديد ٽيڪنالاجي ۽ سهولتن سان ليس ڪنداسين، پي ٽي وي، ريڊيو ۽ انفارميشن اڪيڊميز کي ضم ڪري اسٽيٽ آف دي آرٽ ميڊيا يونيورسٽي ٺاهي ويندي، ڊي ٽي ايڇ لائيسنس جي حوالي سان اڳڀرائي ٿي آهي، صحافين کي هيلٿ ڪارڊز جاري ڪيا ويندا جنهن تي ڪم ٿي رهيو آهي، اشتهارن تان حڪومتي اجاره داري ختم ڪئي پئي وڃي. هو پي ٽي وي لاهور جي دوري جي موقعي تي پاڪستان فيڊرل يونين آف جرنلسٽ ۽ پنجاب يونين آف جرنلسٽ جي وفد سان ملاقات جي موقعي تي ڳالهائي رهيو هو.