حڪومت جو هيٺئين سطح تي اختيارن جي منتقلي تي يقين آهي: وزيراعظم

اسلام آباد – 15 سيپٽمبر (اي پي پي) وزيراعظم عمران خان چيو آهي ته پاڪستان تحريڪ انصاف مقامي حڪومتن جي نظام ذريعي هيٺئين سطح تي اختيارن جي منتقلي تي ڀرپور يقين رکي ٿي ته جيئن عوام کي پنهنجي فيصلن جو اختيار ملي سگهي. وزيراعظم آفيس پاران جاري پڌرائي موجب وزيراعظم اهڙن خيالن جو اظهار مقامي حڪومتن جي نظام بابت هڪ اجلاس جي صدارت ڪندي ڪيو جنهن ۾ تحريڪ انصاف جي سينيئر قيادت شرڪت ڪئي.