اسلام آباد – 27 آگسٽ (اي پي پي) وزيراعظم عمران خان چيو آهي ته حڪومت گستخانا خاڪن جي معاملي کي گڏيل قومن جي جنرل اسيمبلي جي ايندڙ اجلاس ۾ اٿاريندي جڏهن ته اهڙي قسم جي حرڪتن جي خلاف گڏيل آواز اٿارڻ جي لاءِ اسلامي تعاون تنظيم (او آءِ سي) سان گڏجي متفقه حڪمت عملي جوڙڻ جي لاءِ پڻ ڪوشش ڪئي ويندي. سينيٽ ۾ ڳالهائيندي وزيراعظم عمران خان چيو ته اسان گستخانا خاڪن جو معاملو گڏيل قومن جي جنرل اسيمبلي ۾ سيپٽمبر ۾ اٿارينداسين. هن چيو ته اولهه ذهن کي ڄاڻان ٿو، اتان جو معاشرو اظهار راءِ جي آزادي جي نالي تي اهڙي قسم جون حرڪتون ڪري ٿو جڏهن ته اڪثريت ان ڳالهه کي نه ٿي سمجهي ته اسان کي نبي ڪريم صه سان اسان کي ڪيترو پيار آهي.
