اسلام آباد – 14 آگسٽ (اي پي پي) صدر ممنون حسين ملڪ کي ترقي جي معراج تائين پهچائڻ جي خواب کي شرمنده تعبير ڪرڻ ۽ درپيش چئلينجن کي منهن ڏيڻ لاءِ قومي مقصدن جي باري ۾ مڪمل يڪجهتي ۽ گڏيل اتفاق راءِ جي ضرورت کي اجاگر ڪندي چيو آهي ته اسان سڀني جي ذميداري آهي ته ملڪ کي پاڪستان جي بانين جي خواب موجب سنواريون ۽ خاص طور تي ايندڙ نسل کي قومي مقصدن ۽ ان کي حاصل ڪرڻ لاءِ ڪيل جدوجهد کان آگاهه ڪيو وڃي، هن اها ڳالهه ملڪ جي 71 هين يوم آزادي جي موقعي تي قوم جي نالي پنهنجي پيغام ۾ چئي، صدر ممنون حسين وطن واسين کي آزادي جي ڏهاڙي جي مبارڪباد ڏيندي چيو ته هي ڏينهن اسان جوش ۽ جذبي کي تازو ڪري ان ۾ نئين توانائي ڀري ڇڏي ٿو ۽ اسان هڪ نئين عزم سان ملڪ کي ترقي ۽ خوشحالي جي رستي تي گامزن ڪرڻ جي وچن ڪريون ٿا.