اسلام آباد – 12 آگسٽ (اي پي پي) پاڪستان تحريڪ انصاف جي اڳواڻ فواد چوڌري چيو آهي ته پي ٽي آءِ جي سربراهه عمران خان جون سموريون پاليسيون پاڪستان جي بهترين مفاد ۾ ۽ قائداعظم محمد علي جناح جي نظرين تي ٻڌل هونديون. هڪ نجي ٽي وي چينل سان ڳالهائيندي هن چيو ته وزيراعظم بڻجڻ کانپوءِ عمران خان چونڊ مهم دوران عوام سان ڪيل سمورا واعدا پورو ڪندو. هن چيو ته وزيراعظم هجڻ جي ناطي عمران خان هڪ پئسي جي ڪرپشن به برداشت نه ڪندو. هن وڌيڪ چيو ته خيبرپختونخواهه ۾ پي ٽي آءِ جي گذريل حڪومت دوران ڪرپشن جو هڪ ڪيس به سامهون ناهي آيو جيڪا اسان جي پارٽي جي تمام وڏي ڪاميابي آهي.
