اسلام آباد – 11 آگسٽ (اي پي پي) نگران وزيراعظم جسٽس (ر) ناصرالملڪ چيو آهي ته برابري ۽ اقليتن جي حقن جو تحفظ سدائين حڪومت جي ترجيح رهي آهي، پاڪستان جا برابر شهري هجڻ جي لحاظ سان اسان جا ڏک ۽ خوشيون گڏيل آهن، هي ڏينهن قومي زندگي ۾ سمورن مذهبن جي ماڻهن جي هم آهنگي ۽ اتحاد جي قومي عزم جو عڪاس آهي. اقليتن جي قومي ڏينهن جي موقعي تي پنهنجي پيغام ۾ وزيراعظم چيو ته 11 آگسٽ اسان جي قومي ڪئلينڊر ۾ خاص ڏينهن جو مقام حاصل آهي.
