پنجاب جي وڏي وزير جو نالو ايندڙ 48 ڪلاڪن ۾ اعلان ڪيو ويندو: فواد چوڌري

اسلام آباد – 11 آگسٽ (اي پي پي) پاڪستان تحريڪ انصاف جي ترجمان فواد چوڌري چيو آهي ته پنجاب جي وڏي وزير جو نالو ايندڙ 48 ڪلاڪن ۾ اعلان ڪيو ويندو، پنجاب ۾ حڪومت ٺاهڻ بابت مشاورت شروع ڪري ڇڏي آهي، وزيراعظم جي لاءِ ووٽن جو انگ 180 کان وڌيڪ ٿي ويندو، عمران خان مخالف ڌر کي گڏ کڻي هلڻ جو فيصلو ڪيو آهي، عمران خان ايوان کي هر معاملي تي جوابده هوندو. صحافين سان ڳالهائيندي ترجمان چيو ته پنجاب اسيمبلي جو اجلاس 15 آگسٽ تي طلب ڪيو پيو وڃي جنهن جي ڏس ۾ پي ٽي آءِ جي پارلياماني پارٽي جو اجلاس طلب ڪيو ويو آهي. فواد چوڌري چيو ته اسپيڪر جي لاءِ 180 ووٽ ٿي ويندا.