پاڪستان ۾ مختلف شعبن ۾ سيڙپڪاري جا وسيع امڪان موجود آهن: صدر

اسلام آباد – 10 آگسٽ (اي پي پي) صدر ممنون حسين چيو آهي ته پاڪستان موقعن جي سرزمين آهي ۽ هتي مختلف شعبن ۾ سيڙپڪاري جا وسيع امڪان موجود آهن. هن اها ڳالهه ناروي جي عهدو ڇڏيندڙ سفير ٽوري نيڊريبو سان ڳالهائيندي چئي جنهن ايوان صدر ۾ ساڻس ملاقات ڪئي. صدر ٻنهي ملڪن جي وچ ۾ لاڳاپن ۾ وڌيڪ بهتري لاءِ سندس خدمتن جي واکاڻ ڪئي ۽ چيو ته پاڪستان ناروي جي وچ ۾ واپار ۽ تعليم سميت ٻين شعبن ۾ تعاون جا وسيع امڪان موجود آهن