اسلام آباد – 30 جولاءِ (اي پي پي) پاڪستان تحريڪ انصاف جي وائيس چيئرمين شاهه محمود قريشي چيو آهي ته سمورين پارٽين مولانا فضل الرحمان جي بيان کي رد ڪري ڇڏيو آهي، عالمي اڳواڻن طرفان عمران خان کي مبارڪباد جا پيغام ملي رهيا آهن، جنهن مان صاف ظاهر آهي ته پاڪستان جي چونڊن کي ٻاهرين ملڪن ۾ تسليم ڪيو پيو وڃي. اليڪشن ڪميشن جي ٻاهران ميڊيا سان ڳالهائيندي هن چيو ته سندس اليڪشن ڪميشن جي سيڪريٽري سان ملاقات ٿي، 2018ع جون چونڊون شفاف ۽ منصفاڻيون ڪرائڻ تي اليڪشن ڪميشن کي مبارڪباد ڏني آهي.
