اسلام آباد – 19 جون (اي پي پي) انساني حقن واري وزارت هڪ جهڙي قومي انساني حقن جي بيانيي جي تياري جي ضرورت تي زور ڏيندي سمورين لاڳاپيل وزارتن ۽ صوبائي حڪومتن جي نمائندگي سان گڏ هڪ خصوصي ڪميٽي جوڙڻ ۽ اهم پاڪستاني مشنز ۾ انساني حقن جا آفيسر مقرر ڪرڻ جي تجويز پيش ڪئي آهي. اهي تجويزون نگران وزيراعظم جسٽس (ر) ناصرالملڪ جي صدارت ۾ انساني حقن واري وزارت بابت بريفنگ ۾ پيش ڪيون ويون. بريفنگ دوران وزيراعظم کي انساني حقن واري وزارت جي معاملن، انساني حقن جي تحفظ ۽ فروغ ۾ ان جي ڪردار ۽ ان ڏس ۾ پاڪستان جي عالمي ذميوارين جي پاسداري بابت تفصيلي آگاهه ڪيو ويو.
