دوشنبي – 20 جون (اي پي پي) صدر ممنون حسين سڄي دنيا ۾ پاڻي جي وسيلن کي درپيش چئلينجن کي منهن ڏيڻ جي لاءِ سائنس ۽ جدت جي ميدان ۾ اعليٰ سطح تي تعاون ۽ حصيداري کي فروغ ڏيڻ جي ضرورت تي زور ڏيندي چيو آهي ته عالمي برادري عالمي مسئلن تي پنهنجي خدشن کي هڪ طرف رکندي غربت جي خاتمي، صحت جي معيار ۾ بهتري ۽ پائيدار ترقي حاصل ڪرڻ جي لاءِ ڪوششون ڪري. هن اها ڳالهه دوشنبي ۾ پاڻي وسيلن ۽ پائيدار ترقي جي موضوع تي اعليٰ سطح جي عالمي ڪانفرنس جي افتتاحي ويهڪ کي خطاب ڪندي چئي جيڪا تاجڪستان جي گادي واري شهر ۾ 20 ۽ 21 جون تي ٿي رهي آهي.
