اسلام آباد – 07 جون (اي پي پي) صدر ممنون حسين شنگهائي تعاون تنظيم جي 18 هين سربراهي اجلاس ۾ شرڪت جي لاءِ اڄ جمعي ڏينهن چين ويندو. شنگهائي تعاون تنظيم جو سربراهي اجلاس 9 ۽ 10 جون تي چين جي اوڀر صوبي شان ڊونگ جي ساحلي شهر چنگ ڊائو ۾ ٿيندو. صدر ممنون حسين پاڪستاني وفد جي قيادت ڪندو ۽ اجلاس کي اهم خطاب ڪندو. ذريعن اي پي پي کي ٻڌايو ته صدر پنهنجي خطاب ۾ علائقائي ۽ عالمي معاملن تي پاڪستان جو موقف بيان ڪندو ۽ شرڪت ڪندڙن کي شنگهائي تعاون تنظيم ۾ مستقبل ۾ پاڪستان جي ڪردار کان آگاهه ڪندو.
