ڪراچي – 20 جون (اي پي پي) نگران وزيراعظم جسٽس (ر) ناصرالملڪ چيو آهي ته ايندڙ چونڊون اسان جي سياسي تاريخ جو اهم ترين موڙ ثابت ٿينديون، عوامي ترجيحن موجب حڪومت جي جوڙجڪ ۽ اقتدار جي منتقلي جمهوري روايتن تحت يقيني بڻائي ويندي، ان ڏس ۾ نگران حڪومت چونڊ عمل، انتظامي معاملن کي خوش اسلوبي سان هلائڻ ۽ جمهوري روايتن موجب نئين حڪومت کي اقتدار جي منتقلي لاءِ ڀرپور قدم کڻي رهي آهي. گورنر هائوس پاران جاري ڪيل پڌرائي موجب اهڙن خيالن جو اظهار هن سنڌ جي گورنر محمد زبير سان گورنر هائوس ۾ ملاقات جي موقعي تي ڳالهائيندي ڪيو.
