اسلام آباد – پهرين جون (اي پي پي) اليڪشن ڪميشن قومي ۽ صوبائي اسيمبلي ۾ عورتن لاءِ مختص 199 ۽ اقليتن لاءِ مختص 33 سيٽن تي سياسي پارٽين کان 6 جون تائين ترجيحي فهرست طلب ڪري ورتي آهي. اليڪشن ڪميشن طرفان جاري تفصيل موجب اليڪشن ڪميشن سمورين سياسي پارٽين کي چيو آهي ته هو چونڊ قانون 2017ع موجب ايندڙ عام چونڊن ۾ قومي ۽ صوبائي اسيمبلين ۾ عورتن ۽ اقليتن لاءِ مخصوص ڪيل سيٽن تي پنهنجي اميدوارن جي ترجيحي فهرست لاڳاپيل صوبائي اليڪشن ڪمشنرز وٽ جمع ڪرائين.
